Рус
Бел
Eng

Адрас: 211220,
Віцебская вобл., г.п. Лёзна,
вул. Леніна, 79/2

ВКонтакте: https://vk.com/id519049568

Е-mail: lioz-isp@vitebsk.by

Тэлефон/факс: 8 (02138) 4-15-59

Лиозно. Ж/д станция Лиозно. Центральная площадь Лиозно. Районный центр культуры Мемориальный комплекс "Танк" Лиозно
Лиозно. Ж/д станция

Навіны рэгіёна

21 лютага 2019

Юныя віцебскія мастакі заваявалі ўзнагароды на конкурсе ў Санкт-Пецярбургу

Юныя віцебскія мастакі заваявалі ўзнагароды VI Усерасійскага вочнага юнацкага конкурсу выяўленчага мастацтва з міжнародным удзелам "Медны коннік-2019" у Санкт-Пецярбургу, паведамілі карэспандэнту БЕЛТА ў дзіцячай мастацкай школе Віцебска.

За званне лепшых змагаліся прадстаўнікі амаль двух дзясяткаў гарадоў з усёй Расіі. Ад кожнай школы запрашалася па 4 удзельнікі. Дзіцячая мастацкая школа Віцебска стала адзінай замежнай установай адукацыі, запрошанай арганізатарамі на конкурс. Спаборніцтва праводзілася ў дзвюх узроставых катэгорыях - 12-14 гадоў і 15-17 гадоў. Канкурсанты выконвалі розныя заданні: малявалі творчы аўтапартрэт, дэкаратыўныя і графічныя кампазіцыі, рабілі злепкі з рымскіх і грэчаскіх статуй у Эрмітажы.

Юныя віцебскія мастакі ўдзельнічалі ў гэтым конкурсе другі раз, дастойна прадстаўляючы навучальную ўстанову і падтрымліваючы статус Віцебска як горада мастакоў. На рахунку дзяцей - тры ўзнагароды. У малодшай групе ў "Графічнай кампазіцыі" першае месца заняла Ліза Несцярэнка, у "Аўтапартрэце" трэцім стаў Міхаіл Літвін. У старэйшай групе Гран-пры па суме ўсіх балаў заваявала Ганна Аляхновіч.

Арганізатары конкурсу - федэральная адукацыйная праграма "Юны мастак" (ТАА "Праграма "Юны мастак") і Навукова-даследчы музей Расійскай акадэміі мастацтваў.

Навіны Беларусі (БЕЛТА)

Інтэрнэт-рэсурсы