Навіны раёна

 Аўтакалона, у якую ўвайшлі прадстаўнікі раённага выканаўчага камітэта, Лёзненскага сельвыканкама, працоўных калектываў гарпасёлка, РАНС, грамадскіх аб'яднанняў РГА «Белая Русь», «патрыёты Беларусі», Беларускага саюза жанчын, раённага аб'яднання прафсаюзаў, адправілася ад цэнтральнай плошчы гарпасёлка ў Стасеве, на адзінае афіцэрскае пахаванне ў Беларусі. 

  Тут прайшоў мітынг, у якім прыняла ўдзел дэлегацыя Віцебскага раёна, мясцовыя жыхары, прадстаўнікі мясцовага Дома культуры і дзіцячага садка. Намеснік старшыні райвыканкама, старшыня раённай арганізацыі "Белая Русь" І.А. Дзерваед, начальнік аддзела ідэалагічнай работы, культуры і па справах моладзі Віцебскага райвыканкама М.М. Сакалоўская, старшыня Лёзненскага сельвыканкама С.У. Пукава ў сваіх выступах заклікалі прысутных памятаць подзвіг народа, які адстаяў свабоду і незалежнасць краіны ў гады Вялікай Айчыннай вайны. 

  - Мы памятаем імя кожнага героя, - адзначыла Ірына Апалінараўна. - Гэта тое, што нас аб'ядноўвае, робіць мацней і мацней, асабліва сёння, калі ў свеце і вакол Беларусі складваецца няпростая сітуацыя. Толькі разам мы зможам абараніць і гістарычную праўду, і незалежнасць, заваяваную нашымі бацькамі і дзядамі. 

 Аляксандр Піута, "Сцяг Перамогі"