Навіны раёна

На днях дадзены старт акцыі«Не прапальвай сваё жыццё!», якая заклікае адмовіцца ад звычкі курыць у ложку. І адразу ж у цэнтры ўвагі ратавальнікаў сталі работнікі жыллёва-камунальнай гаспадаркі (ЖКГ) Лёзненскага раёна. 

Пачатак працоўнага дня для работнікаў ЖКГ стаў незвычайным. На тэрыторыі адміністрацыйнага будынку іх сустрэлі работнікі МНС. Яны і расказалі прысутным аб прычынах вогненных НС, спыніліся на мэтах акцыі, прапанавалі аргументы супраць шкоднай звычкі, а самае галоўнае, далі некалькі парад, як зрабіць бяспечным свой дом.

Ратавальнікі знайшлі патрэбныя словы для ўсіх прысутных, каб устанавіць у сваім доме аўтаномны пажарны апавяшчальнік. Прыклады, калі ён ратаваў жыццё і маёмасць толькі падмацоўвалі аргументы «за» важнасць дадзенага прадмета ў доме.

Акрамя гэтага, камунальнікі змаглі адказаць на пытанні віктарыны, тым самым пашырыць свае веды ў сферы бяспекі жыццядзейнасці.