Навіны раёна
13 верасня 2024 года
Ці ёсць сэрца ў стыхіі?
Работнікі Лёзненскага райаддзела па надзвычайных сітуацыях выступаюць на бацькоўскіх сходах, а таксама праводзяць сустрэчы ў працоўных калектывах, каб нагадаць дарослым аб дзіцячай бяспецы, бо да свайго завяршэння ідзе адна з самых важных акцый, накіраваная на зніжэнне дзіцячага траўматызму і гібелі, як на пажарах, так і на вадзе «У цэнтры ўвагі-дзеці!».
Вернуться
Так, на гэтым тыдні размова аб дзіцячай бяспецы адбылася з бацькамі навучэнцаў дзіцячага садка «Сонейка» гарадскога пасёлка Лёзна, а таксама з працоўным калектывам сада «Пралеска».
Ратавальнікі расказалі дарослым, як важна, каб дзіця было пад наглядам, бо часцей за ўсё трагедыі з удзелам дзяцей адбываюцца, калі бацькоўскі кантроль слабее і малыя прадастаўлены самі сабе.
Тут працаўнікі МНС зрабілі акцэнт на новай кампаніі «У стыхіі няма сэрца», бо гэтая фраза ў поўнай меры паказвае магчымыя наступствы безадказнага стаўлення да бяспекі дзяцей.
Восем загінуўшых на пажары дзяцей і дваццаць патанулых з пачатку года ў рэспублікі – гэта прыклады, якія не пакінулі абыякавымі дарослых.
– Сцвярджэнне дарослых «са мной гэтага не адбудзецца!» паказвае, што ад траўмаў і гібелі не застрахаваны ніхто! Толькі станоўчы прыклад, захаванне важных правіл бяспекі і ўзмоцнены кантроль за баўленнем часу малых зможа пазбегнуць трагедыі, – нагадвае прысутным работнік МНС.
