Навіны раёна
4 мая 2023 года
З удзячнасцю ветэранам
У Лёзненскім раёне 35 ветэранаў і пацярпелых ад наступстваў Вялікай Айчыннай вайны атрымаюць матэрыяльную дапамогу да Дня Перамогі. Яе памер складзе ад 850 да 2 тысяч рублёў.
Вернуться
У першы дзень выплат, 26 красавіка, ветэрана Вялікай Айчыннай вайны, 102-гадовага жыхара гарпасёлка м.т. Дабракова прыехалі павіншаваць з надыходзячым святам дырэктар ТЦСАН Т.С.Ільіна, намеснік начальніка ўпраўлення па працы, занятасці і сацыяльнай абароне райвыканкама Я.А. Вараб'ёва, начальнік АСС №1 г. п. Лёзна Я.У.Філоненка, старшыня раённага аб'яднання ветэранаў вайны і працы У. Г. Маскаленка.
Госці падарылі Міхаілу Цімафеевічу кветкі, торт і грашовую дапамогу, падзякавалі за магчымасць жыць пад мірным небам, пажадалі здароўя. Яго дачка, Алена Міхайлаўна Прахарэнка, падзялілася, што бацька, нягледзячы на ўзрост, жыва цікавіцца ўсім, што адбываецца ў свеце, навіны па тэлевізары слухае, так як амаль цалкам страціў зрок. І ўвесь час просіць дачку пачытаць услых «Сцяг перамогі», каб быць у курсе падзей раённага маштабу.
У гэты ж дзень начальнік АСС аг. Крынкі С.С. Міхеенка і паштальён А.А.Праліч павіншавалі ветэрана Вялікай Айчыннай вайны, 95-гадовую жыхарку Крынак М. М. Ігнатаву, якая ўсё яшчэ поўная жыццёвых сіл, пазітыву і запалу.
