Прэзідэнт Беларусі Аляксандр Лукашэнка выказаў спачуванні родным і блізкім народнага артыста РСФСР Леаніда Кураўлёва. Аб гэтым паведамілі БЕЛТА 30 студзеня ў прэс-службе беларускага лідара.

 

"Прыміце шчырыя спачуванні ў сувязі са смерцю народнага артыста РСФСР Леаніда Вячаслававіча Кураўлёва. Пайшоў усенародна любімы, выключна таленавіты і незвычайна абаяльны акцёр - класік савецкага і расійскага кінематографа", - гаворыцца ў спачуванні.

 

Кіраўнік дзяржавы адзначыў, што ўсё сваё жыццё Леанід Кураўлёў прысвяціў служэнню мастацтву, стаў прыкладам высокага майстэрства і адданасці прафесіі. "Светлая памяць аб ім назаўсёды застанецца ў сэрцах мільёнаў беларусаў", - падкрэсліў Аляксандр Лукашэнка.