Адзіны дзень бяспекі ў Рэспубліцы Беларусь праводзіцца штогод.У гэтым годзе ён пройдзе 26 верасня.
Асноўныя задачы мерапрыемства - правядзенне навучання работнікаў правільным дзеянням ва ўмовах пажараў і няштатных сітуацый, а таксама дзеянням па аказанні першай дапамогі (гэта значыць самадапамогі, узаемадапамогі), у тым ліку да прыбыцця спецыяльных службаў (ратавальнікаў, медыцынскіх работнікаў, міліцыі).
Арганізатары акцыі - органы дзяржаўнага кіравання, грамадскія аб'яднанні, сродкі масавай інфармацыі і іншыя зацікаўленыя арганізацыі.
Прафілактычныя мерапрыемствы па папярэджанні пажараў і іншых надзвычайных сітуацый, навучанні навыкам правільных паводзін ва ўмовах пажараў, а таксама па адпрацоўцы планаў эвакуацыі і аказанні першай дапамогі пацярпелым пройдуць ва ўстановах адукацыі, на прадпрыемствах, у арганізацыях, месцах з вялікай колькасцю людзей.
Асноўныя намаганні пры правядзенні акцыі будуць накіраваны на фармаванне ў грамадстве культуры бяспекі жыццядзейнасці, правядзенне адукацыйна-выхаваўчай работы і прапаганду бяспечных умоў пражывання насельніцтва.
У перыяд правядзення акцыі адбудуцца вучэнні і трэніроўкі па рэагаванні на надзвычайныя сітуацыі прыроднага і тэхнагеннага характару на аб'ектах з масавым знаходжаннем людзей, правядзенне праверкі сістэмы апавяшчэння, трансляцыя паведамленняў ад МНС у тэлевізійным і радыёэфіры.
Тэхнічная падтрымка сайта. ООО "AskerWeb"
