Лёзненскія ратавальнікі прынялі ўдзел у рэспубліканскай добраахвотнай акцыі «Дай лесу новае жыццё!» па аднаўленні бураломных участкаў лясоў пасля разгулу стыхіі.
Рабочы «дэсант» на чале з намеснікамі начальніка аддзела высадзіўся за межамі гарадскога пасёлка Лёзна па накіраванні аграгарадка Дабрамыслі.
– Разам мы робім уклад у аднаўленне лясоў нашай краіны. Упэўнены, што кожны ўдзельнік будзе ганарыцца сваім учынкам ведаючы, што зрабіў уклад у будучыню. Такія акцыі яшчэ больш аб'ядноўваюць наш аддзел, ды і ўсіх беларусаў, – адзначыў Вадзім Усцінаў, першы намеснік начальніка Лёзненскага раённага аддзела па надзвычайных сітуацыях.
Падобныя акцыі праходзяць кожны год вясной і восенню. Назва ў іх розная, але сутнасць застаецца адна і тая ж –абнавіць нашы лясы. Не толькі работнікі лясной галіны, але і тыя, хто ўдзельнічае ў такіх мерапрыемствах, разумеюць, як цяжка вырошчваць лес, і ўсведамляюць, што прыносяць сваёй працай вялікую карысць краіне. Бо толькі праз гады, высаджаныя культуры можна будзе назваць лесам.
–Прымаць удзел у акцыях па пасадцы лесу - добрая традыцыя, якую мы перадаем маладому пакаленню. Няхай наша праца дапаможа вярнуць страчаныя падчас стыхіі лесу, каб наша Лёзненшчына і Беларусь станавіліся яшчэ прыгажэйшымі, – адзначае Максім Лашкевіч, намеснік начальніка аддзела.
Тэхнічная падтрымка сайта. ООО "AskerWeb"
