Агляд-конкурс вакальна-харавых калектываў устаноў культуры раёна “І песню родную люблю я” адбыўся ў ДК аг. Крынкі
– Гэтае мерапрыемства паспяхова праводзіцца ўжо другі раз, – адзначыла загадчыца метадычнага аддзела РЦК Г. Ф. Чэпікава. – Радуе, што сёлета з’явілася шмат новых салістаў.
Гледачы ўбачылі нумары ў выкананні вакальных груп, салістаў, калектываў, дуэтаў і трыа, раней прадстаўленых на справаздачных канцэртах. Усе ўстановы культуры выступілі на дастойным узроўні. Акрамя пераможцаў таксама былі адзначаны дыпламанты ў наступных намінацыях: “Лепшая прэзентацыя калектыву” – ДК аг. Бабінавічы і Зубкі, “За адданасць і любоў да песні” – Міхаіл Каралькоў (ДК аг. Пушкі), “Арыгінальная пастаноўка канцэртнага нумару” – ансамбль народнай песні “Сваякі” ДК аг. Дабрамыслі, “Адкрыццё года” – трыа Аляксандры Ягоранкавай, Вольгі Рыжэнкі і Ксеніі Шакінка з ДК аг. Крынкі і вакальна-інструментальны ансамбль “Вдохновение” ДК аг. Новае Сяло, “Удалы дэбют” – Карына Купрыенка (клуб аг. Якубаўшчына).
Фёдар ПАСТАЯЛКІН. Сцяг Перамогі
Тэхнічная падтрымка сайта. ООО "AskerWeb"
