У рамках святкавання 78-й гадавіны Перамогі ў Вялікай Айчыннай вайне старшыня раённага выканаўчага камітэта І.І.Федараў разам з намеснікам старшыні райвыканкама, старшынёй раённай арганізацыі РГА «Белая Русь» І.А. Дзерваед і намеснікам начальніка аддзела ідэалагічнай работы, культуры і па справах моладзі райвыканкама Т.М.Анціпенка сустрэліся 5 мая з ветэранамі М.Т.Дабраковым і К.К.Мізуравым.
Іван Іванавіч павіншаваў з Днём Перамогі, уручыў кветкі і памятныя падарункі, пажадаў моцнага здароўя, доўгіх гадоў жыцця і мірнага неба над галавой, расказаў пра жыццё раёна.
Такія сустрэчы ўжо сталі традыцыйнымі і нават сяброўскімі, і як заўсёды былі напоўнены цеплынёй, чалавечым удзелам і ўспамінамі, якія да гэтага часу трывожаць памяць нашых ветэранаў.
Дарэчы, і Міхаіл Цімафеевіч, і Кузьма Кузьміч з ліку тых, хто прымаў удзел у баявых дзеяннях Вялікай Айчыннай. На жаль, такіх людзей з кожным годам усё менш, таму ўсе імгненні іх жыцця павінны быць напоўнены нашым клопатам.
Тэхнічная падтрымка сайта. ООО "AskerWeb"
