Навіны рэгіёна

Сёння, 31 кастрычніка, заканчваецца тэрмін падачы дакументаў для вылучэння прадстаўнікоў у склад тэрытарыяльных выбарчых камісій. У гэты дзень органы, іх утваральныя, завершаць прыём дакументаў у 17.00. Такіх камісій будзе ўтворана менш, чым пры правядзенні Адзінага дня галасавання, таму што ў бягучую кампанію выбары пройдуць па адной акрузе — Рэспубліка Беларусь.

На Віцебшчыне будуць працаваць 25 тэрытарыяльных выбаркамаў, у тым ліку ў Наваполацку і тры ў абласным цэнтры. Згодна з выбарчым заканадаўствам вылучаць сваіх актывістаў у склад абласнога, раённых (у тым ліку ў гарадах з раённым дзяленнем), гарадскіх (у гарадах абласнога падпарадкавання) выбаркамаў маюць права палітычныя партыі, іншыя грамадскія аб'яднанні, працоўныя калектывы, а таксама групы грамадзян у колькасці не менш за 10 чалавек. Прычым суб'екты вылучэння (за выключэннем груп грамадзян) могуць дэлегаваць у адпаведную камісію толькі па адным прадстаўніку.

Тэрмін падачы дакументаў для рэгістрацыі ініцыятыўных груп заканчваецца заўтра, 1 лістапада. Пасля чаго для актывістаў і выбаршчыкаў пачнецца гарачая пара: збор подпісаў у падтрымку прэтэндэнтаў на вышэйшую дзяржаўную пасаду стартуе 7 лістапада і працягнецца да 6 снежня.