Навіны рэспублікі

Экспарт беларускай сельгаспрадукцыі і прадуктаў харчавання за студзень-сакавік вырас на 5,3 працэнта да $1,5 млрд, паведамілі БЕЛТА ў прэс-службе Міністэрства сельскай гаспадаркі і харчавання.

"Беларускія прадукты харчавання ў студзені-сакавіку пастаўляліся ў 88 краін (за той жа перыяд 2020 года - у 83 краіны). Павелічэнне паставак назіралася практычна па ўсіх рэгіёнах", - расказалі ў прэс-службе.

Экспарт у краіны СНД, уключаючы Расію, павялічыўся на 0,4 працэнта, у краіны Азіі і Акіяніі - на 70,1 працэнта, ЕС - на 38,4 працэнта, Амерыкі і Карыбскага басейна - на 82,6 працэнта, краіны Афрыкі - на 78,3 працэнта. Экспарт прадуктаў харчавання ў Кітай вырас на 87,7 працэнта. У цэлым пастаўкі ў краіны далёкага замежжа ў параўнанні з адпаведным перыядам 2020 года павялічыліся на 47,8 працэнта.

Экспарт малака і малакапрадуктаў вырас на 0,3 працэнта, ялавічыны - на 10,3 працэнта, каўбасных вырабаў і гатовых вырабаў з мяса - на 9,2 працэнта, рыбы і рыбнай прадукцыі - на 15,6 працэнта, яек - на 48,6 працэнта, бульбы - на 15,3 працэнта, алею рапсавага - на 70,3 працэнта.

БелТА