Стартаваў прыём заявак на ўдзел у рэспубліканскім конкурсе інавацыйных праектаў 2023 года, паведамілі БЕЛТА ў Дзяржаўным камітэце па навуцы і тэхналогіях.
Прыём заявак працягнецца да 1 жніўня 2023 года. На конкурсе разглядаюцца сацыяльна значныя інавацыйныя праекты розных стадый рэалізацыі са стратэгіяй камерцыялізацыі, якія адпавядаюць прыярытэтным напрамках навуковай, навукова-тэхнічнай і інавацыйнай дзейнасці. Ён праводзіцца па намінацыях "Лепшы інавацыйны праект" і "Лепшы маладзёжны інавацыйны праект". Удзельнікамі конкурсу могуць быць юрыдычныя і фізічныя асобы. У намінацыі "Лепшы маладзёжны інавацыйны праект" прымаюць удзел фізічныя асобы, узрост якіх не перавышае 35 гадоў.
Для падрыхтоўкі ўдзельнікаў да разгляду і абароны інавацыйных праектаў будуць праведзены семінары-трэнінгі з прыцягненнем вядучых беларускіх спецыялістаў па інавацыйнай і венчурнай дзейнасці, бізнес-планаванні.
Па выніках абароны інавацыйных праектаў у кожнай намінацыі вызначаецца адзін пераможца і пяць прызёраў. Пераможцы і прызёры атрымаюць дыпломы і прэміі ў памеры ад Br1073 да Br3182. З ліку лепшых будуць адабраны праекты для далейшай камерцыялізацыі іх вынікаў, якія атрымаюць сертыфікаты ў памеры больш як Br21 тыс.
ДКНТ праводзіць конкурс інавацыйных праектаў пры ўдзеле Міністэрства адукацыі, НАН Беларусі, Беларускага рэспубліканскага саюза моладзі і Беларускага інавацыйнага фонду.
Тэхнічная падтрымка сайта. ООО "AskerWeb"
