Навіны рэспублікі

Таджыкістан зацікаўлены ў развіцці супрацоўніцтва з Беларуссю ў сферы лёгкай прамысловасці. Аб гэтым заявіў міністр прамысловасці і новых тэхналогій Таджыкістана Шэралі Кабір на сустрэчы з кіраўніком "Беллегпрама" Таццянай Лугіной у Мінску, перадае карэспандэнт БЕЛТА.

"Паміж нашымі дзяржавамі выбудаваны добрыя, працяглыя адносіны. Гэта сведчыць аб тым, што мы аператыўна можам увасабляць усе намечаныя планы. Таджыкістан з'яўляецца буйнейшым вытворцам бавоўны, а гэта сыравіна неабходна тэкстыльнай галіне Беларусі. Таму, улічваючы сыравінныя магчымасці нашай краіны і тэхналагічныя магчымасці Беларусі, можна вельмі хутка і эфектыўна арганізоўваць узаемадзеянне", - сказаў Шэралі Кабір.

Лёгкая прамысловасць для Таджыкістана - адна з ключавых галін у стратэгіі развіцця краіны. І таджыкскі бок выказаў зацікаўленасць у беларускім вопыце паглыбленай перапрацоўкі бавоўны, воўны і скураной сыравіны.

Сустрэча прайшла пры садзейнічанні пасольства Таджыкістана ў Беларусі.