Сельская гаспадарка

Галоўнай галіной у Лёзненскім раёне з'яўляецца аграпрамысловы комплекс. У сельскагаспадарчай вытворчасці і ў перапрацоўчай прамысловасці на сённяшні дзень занята 2,0 тысячы чалавек (1,5 тысячы ў сельскагаспадарчых арганізацыях раёна).

Сельскую гаспадарку раёна прадстаўляюць 5 адкрытых акцыянерных таварыстваў, 2 сельскагаспадарчыя філіялы, камунальнае ўнітарнае сельскагаспадарчае прадпрыемства «Крынкі», сельскагаспадарчы вытворчы ўчастак «Перамонт», дзяржаўнае прадпрыемства «Выдрэя», адкрытае акцыянернае таварыства «Лёзненскі райаграсэрвіс», сельскагаспадарчае ўнітарнае прадпрыемства "Барсеева".

Чатыры сельскагаспадарчыя арганізацыі маюць інвестараў: унітарнае прадпрыемства «Барсеева» – ААТ «Віцебскі мясакамбінат», СФ «Кляўцы» – КУП «Віцебскаблдарбуд", ДП «Выдрэя» – РУП «Віцебскае аддзяленне Беларускай чыгункі», СВУ «Перамонт» – ААТ «Віцебскі маслаэкстракцыйны завод».

Агульная зямельная плошча сельскагаспадарчых арганізацый складае 62000,8 га, сельскагаспадарчых угоддзяў 49891,3 га, ворнай зямлі 3319,0 га, лугавых угоддзяў 16482,9 га, з іх палепшаных – 10075,9 га. Бал ворнай зямлі складае 28,9. Бал сельгасугоддзяў – 26,6.

Сельскагаспадарчыя арганізацыі раёна спецыялізуюцца на малочнай і мясной жывёлагадоўлі з развітой вытворчасцю збожжа і забеспячэннем кармавой базы для развіцця жывёлагадоўчай галіны.

Машынна-трактарны парк раёна налічвае 311 трактароў розных марак і мадыфікацый, 61 грузавы аўтамабіль, 55 збожжаўборачных і 33 кормаўборачныя камбайны. Для абслугоўвання і эксплуатацыі машынна-трактарнага парка ў сельскагаспадарчых арганізацыях раёна ёсць 11 цэнтральных машынных двароў, 11 тыпавых рамонтных майстэрань.